पञ्चपुरीका अभौतिक सम्पदा : विस्थापनको जोखिम र संरक्षणको दायित्व
सुर्खेत जिल्लाको पश्चिमी क्षेत्रमा अवस्थित पञ्चपुरी नगरपालिकामा २०७८ सालको राष्ट्रिय जनगणनाअनुसार ३५,८३९ जनसंख्या बसोबास गर्छन् र करिब ३२९.९ वर्ग किलोमिटर क्षेत्रफलमा फैलिएको यो नगरपालिका सुर्खेत जिल्लाका नगरपालिकामध्ये क्षेत्रफलका हिसाबले सबैभन्दा ठूलो नगरपालिका हो। वनजंगल, जलस्रोत, कृषि तथा पशुपालनयोग्य भूगोल र विविध समुदायको बसोबासले पञ्चपुरीलाई प्राकृतिक सम्पदाको मात्र होइन, लोककथा, भाषा, संस्कार, पर्व, कृषि–ज्ञान, निर्माण प्रविधि, हस्तकला, श्रम–परम्परा र पुस्तौँदेखि हस्तान्तरण हुँदै आएका असंख्य जीवित अभौतिक सांस्कृतिक सम्पदाको भण्डारसमेत बनाएको छ।
